http://president.az/articles/14132#.VMaBj8xsnUo.facebook

DAHİDƏN DAHİ KƏLAMLAR .

Böyük siyasəti kiçik hisslərə, xırda mənfəətlərə bağlamaq olmaz.

Kim müxalifətdə durursa-dursun, ancaq Vətəninə, xalqına, mənəviyyatına, məsləkinə müxalifətdə durmasın.

Xalq dövlət üçün yox, dövlət xalq üçün olmalıdır.  

Həqiqi mənəviyyatı milyonlara, milyardlara da almaq mümkün deyildir. Amma milyonları, milyardları olan adamlar cəmiyyətdə mənəviyyatsız heç bir şeydirlər.

Tarix həmişə hər şeyi öz yerinə qoyur.
Əgər hər hansı ölkənin xalqları öz hüquqlarını anlayır və onları qoruya bilirsə, o zaman ən kiçik dövlət belə ən böyük məmləkət qədər güclü olar.

Azadlıq və istiqlaliyyət hər bir xalqın milli sərvətidir.

Başqasının fikrinə hörmət etmək, ondan faydalı bir şey götürmək qabiliyyəti hər bir adama lazımdır.
Bir hadisənin qarşısını almaq, o hadisə baş verəndən sonra onun nəticələrini aradan götürməkdən dahaasandır.
Hər bir insan həyatda öz yerini tapmalıdır. Amma öz yerini, özünə məxsus olan yerini tapmalıdır.
Heç kim əbədi qalib ola bilməz.
Heç bir ölkə, ən böyük bir ölkə də yalnız öz çərçivəsində iqtisadiyyatını lazımi səviyyədə inkişaf etdirə bilməz. 

Kim ki, biliyindən, bacarığından artıq iddialar edir o, həmişə məğlub olur. 

Dövlət, ölkə nə qədər çox xalqı birləşdirsə, bir o qədər zəngin olur, çünki onların hər biri ümumdünyamədəniyyətinə və sivilizasiyasına öz töhfəsini verir.
İnsanların mənəvi sərvətlərinin hamısından dinin fərqi ondadır ki, o, dini mənsubiyyətindən asılı olmayaraq həmişə insanları dostluğa, həmrəyliyə, birliyə dəvət etmişdir.
Sənətdə hər kəsin öz yeri var. Heç kəs kiminsə yerini almır.
Heç bir ölkəni özünə düşmən hesab etməməlisən.
Həyatda şərəflə şərəfsizliyi, şəxsi rifahla ictimai borcu, tamahkarlıqla vicdanlılığı hər bir kəs özü seçir.  Rüşvətxoru, oğrunu qəhrəman etmək öz xalqına xəyanət etməkdir.  

HEYDƏR ƏLİYEV ELM VƏ TƏHSİL HAQQINDA .

h 

* Təhsil millətin gələcəyidir.
* Təhsil hər bir dövlətin, ölkənin, cəmiyyətin həyatının, fəaliyyətinin mühüm bir sahəsidir.
* Bizdə təhsil çox inkişaf edibdir. Azərbaycanda demək olar ki, təhsil almayan adam yoxdur.
* Mən dünyada müəllimlikdən yüksək ad tanımıram.
* Bizim hər birimiz elmi dərəcəmizdən, biliyimizdən, təhsil səviyyəmizdən asılı olmayaraq, bütün nailiyyətlərimizə görə məktəbə, müəllimə borcluyuq.
* Mən Azərbaycanın sadə vətəndaşıyam. Bu addan yüksək ad yoxdur. Ancaq bundan da yüksək ad müəllimlikdir.

Ümummilli lider Heydər Əliyevin sovet Azərbaycanına rəhbərlik etdiyi illərdə ölkədə 5 yeni ali təhsil müəssisəsi açılmış və ali məktəblərdə təhsil alanların sayı 70 mindən 100 minə qədər artmışdır. Eləcə də dahi rəhbər keçmişİttifaqın ən nüfuzlu təhsil müəssisələrində azərbaycanlıların oxumasına çalışmış və bu istiqamətdə əsaslı dönüşyaratmışdır. Məhz Heydər Əliyevin təşəbbüsü və birbaşa himayəsi nəticəsində 1970-ci ildən başlayaraq hər il 800-900 nəfər gənc SSRİ-nin nüfuzlu ali məktəblərində təhsil almağa göndərilmişdir ki, bu da respublikanın milli kadrpotensialının daha da gücləndirilməsinə imkan yaratmışdır

1999-cu ilədək təhsil sahəsində müxtəlif qərarlar qəbul edilsə də, təhsilin milli tərəqqimizin güclü amilinə çevrilməsi üçün dövlət təminatı olmalı idi. Odur ki, 1998-ci ilin martında "Təhsil sahəsində islahatlar üzrə Dövlət Komissiyasının yaradılması haqqında" sərəncam imzalandı və bunun ardınca "Təhsil sahəsində islahatlar Proqramı" qəbul edildi. Komissiyanın yekun iclasında çıxış edən Heydər Əliyev demişdir: "Təhsil sistemi elə bir sistemdir ki, burada heç bir inqilabi dəyişiklik ola bilməz. Ümumiyyətlə, bizim həyatımızın bütün sahələrində dəyişikliklər təkamül xarakteri daşıyır".

Azərbaycan Respublikasının orta təhsil sistemində ən ciddi problemlərdən biri, təbii ki, məktəb tikintisi, ümumtəhsil məktəblərinin təmiri və avadanlıqlarla təchizatı idi. Heydər Əliyev 2000-ci il iyunun 13-də "Azərbaycan Respublikasında təhsil sisteminin təkmilləşdirilməsi haqqında" yeni fərman imzaladı. Fərman təhsil sisteminin əsaslı şəkildə təkmilləşdirilməsinə, idarəetmənin müasir prinsiplər üzrə təşkilinə, təhsil sisteminin beynəlxalq standartlara uyğunlaşdırılmasına və dünya təhsil sisteminə inteqrasiyasına zəmin yaratdı.

Faiq Agayev - Dahi

Qogalin nagili

“Təhsil sistemi uşaq və gənclərin mənəvi inkişafında önəmli rol oynayır” Tarix: 28.04.2014 | Saat: 19:42:00 | E-mail | Çapa göndər Şirift ölçüsü: Məlihə Əsədova:“Yeniyetmələrin sağlam düşüncələri ilə həyata atılmalarını dəstəkləyirəm. Sosial şəbəkələrdə yersiz vaxt keçirməyə dəyməz. Həyati bacarıqlar gələcək üçün daha önəmlidir” Uşaq və gənclərin mənəvi inkişafında təhsilin mühüm rolu var. Onlar təhsil aldığı məktəbdə tədris zamanı dövlətçilik tariximiz, mənəvi dəyərlərimiz, Milli Qəhrəmanlarımız, görkəmli şəxsiyyətlər, ədiblərimiz barədə məlumat alırlar ki, bu da onların mənəvi inkişafında böyük rol oynayır. Bu gün orta təhsil müəssisələrində şagirdlərə məhz bu istiqamətdə müvafiq dərslər tədris olunmaqla yanaşı, şagirdlər əyani vəsaitlərlə tanış olmaq üçün müxtəlif abidələrimizi, muzeyləri ziyarət edirlər. Təbii ki, bu ziyarət zamanı müşahidələr onlarda böyük təəssürat doğurur ki, bu da nəticədə uşaq və gənclərin mənəvi inkişafına böyük təsir göstərir. Onu da qeyd edək ki, bu sahədə uğurlar əldə olunmasında təhsilin və müəllimlərin böyük rolu var. Prezident İlham Əliyev də vurğulayıb ki, indi əsas məqsəd məhz təhsilin keyfiyyətini yüksəltməkdir: “Müəllimlərin cəmiyyətdə rolu çox böyükdür və vacibdir. Gənc nəslin tərbiyə olunmasında, uşaqların yüksək bilik almasında müəllimlərin rolu birincidir. Biz elə etməliyik ki, bütün uşaqlarımız yaxşı oxusunlar, yaxşı bilikli insanlar olsunlar. Çünki indiki zamanda savad, bilik əsasdır, həm vətəndaş üçün, həm də ölkələr üçün. İnkişaf etmiş ölkələrin təcrübəsinə nəzər salsaq görərik ki, onların uğurları təhsilin səviyyəsi ilə bağlıdır. Nə təbii ehtiyatlar, nə mineral resurslar burada həlledici rol oynamır. Ancaq savad və bilik əsasdır. Çünki dünyanın inkişafı elmi-texniki tərəqqi ilə bağlıdır. Bunu əldə etmək üçün bilikli kadrlar olmalıdır. Bu kadrlar, bu insanlar ilk addımlarını məktəblərdə atırlar. Biz elə etməliyik ki, təhsilimizdə ən qabaqcıl səviyyə təmin olunsun”. Bakı şəhəri Nəsimi rayonu Rövşən Nəsirov adına 111 saylı tam orta məktəbin Azərbaycan dili və ədəbiyyat müəllimi Məlihə Əsədova da bildirdi ki, məktəb, təhsil sistemi uşaq və gənclərin mənəvi inkişafında önəmlidir:  - Bir müəllim kimi uşaq və gənclərin mənəvi tərbiyəsində ilk olaraq daxili zənginliyi əsas götürürəm. Buraya milli-mənəvi sərvətlərimizə olan hörmət, ehtiram, onların dünyagörüşündə xoş bir dəyişikliyə səbəb olan bütün amilləri misal göstərərdim. Onlarda gördükləri, seyr etdiklərinə yetərincə dəyər verə bilmək qabiliyyəti olmalıdır. Burada onların bizim tarixi abidələrimizlə tanışlığı, tarixi məkanlarımız haqqında kifayət qədər informasiyanı dinləyib dərk etmə qabiliyyəti, cəmiyyətdə özlərini apara bilmək qabiliyyətinin formalaşmasını əsas götürərdim. İstərdim ki, gənclər öz asudə vaxtlarını səmərəli, faydalı yerlərdə keçirsinlər. Hansı ki, bu onların daxilində müsbət bir çevriliş edərdi. Danışıqlarında, sivil qaydalara uyğun düşünmələrində, zamanın nəbzini tutmaqda yardımçı rol oynayardı.  - Hazırda bu sahədə mövcud vəziyyət sizi qane edirmi?  - Güman edirəm ki, bu cür faydalı məkanlar kifayət qədərdir. Sadəcə nəinki gənclər arasında, eləcə də məktəblilər arasında da bu təbliğat güclü olmalıdır. Məktəblilər çayın axarına bənzəyirlər. İlk öncə maraq dairələri nəyə güclü olursa, sonralar da ona doğru can atırlar. Odur ki, məktəblilər, eləcə də gənclər arasgnda sarlam həyat devizini mühkəmləndirmək lazımdır. Məktəblərdə artıq belə bir dərnəklər fəaliyyətə başlayıb. Məsələn bizim məktəbimizdə rəsm, rəssamlgq, şahmat, rəqs və idman dərnəklərinin fəaliyyətə başlaması məni sevindirir.  -Sizcə belə dərnəklər onların mənəvi inkişafında, istedadlarının üzə çıxmasında hansı rolu oynaya bilər?  - Bilirsiniz, şagirdlər özlərini sağlam mühitdə kəşf edə bilərlər. Öz potensial imkanlarını, əyləncə kimi baxdığı hər hansı bir idman növü ya da digər sahədə uğurlar qazana bilərlər. Odur ki, sağlam düşüncələri ilə həyata atılmalarını dəstəkləyirəm. İstərdim ki, internetə cəlb olunmaqdansa faydalı işlərlə məşğul olsunlar. Sosial şəbəkələrdə yersiz vaxt keçirməyə dəyməz. Həyati bacarıqlar gələcək üçün daha önəmlidir. -Sizin təhsil verdiyiniz şagirdlər arasında bu dərnəklərdə iştirak edənlər varmı? Məktəb tərəfindən onlara hansı dəstək göstərilir? - Məktəbimizdə qeyd etdiyim dərnəklər fəaliyyət göstərir. Şagirdlərin bu dərnəklərdə böyük səylə iştirakını görürəm. İnanıram ki, gələcəyin rəssamları, idmançıları, rəqqasları bizim məktəbin istedadlı şagirdləri arasındadır. -Uşaqların mənəvi inkişafı ilə bağlı dərslərdə hansı mövzulara üstünlük verirsiniz? Bu gün uşaqlar dövlətçilik tariximizi, Mili Qəhrəmanlarımızı nə dərəcədə tanıyırlar? - Mənəvi inkişafla bağlı bu gün dərsliklərimizdə olan mövzular məni qane edir. Nəzərə alsaq ki, bu gün Azərbaycan dili dərslikləri yalnız qrammatikadan ibarət deyil, burada dostluq, mənəviyyatın inkişafı ilə bağlı bir çox dəyərli materiallar var. Burada həm tariximizlə, keçmişimizlə, nağıllarımızla, Milli Qəhrəmanlarımızla sözün əsl mənasında sağlam vətəndaş olmağın sirləri aşılanmışdır desəm yanılmaram. Çox sevinirəm ki, dərsimizin bir saatı da şagirdlərlə nitqin, zəkanın inkişafına səbəb olan məhz belə mənəvi söhbətlərə köklənib. Bunu alqışlayıram. Milli Qəhrəmanlarımızı tanıyırlar, onlar haqqında maraqlı esselər yazırlar. Demək ki, onlarda dünənimiz, bu günümüz haqqında müəyyən fikirlər formalaşıb.  -Əyani vəsait kimi uşaqların tarixi yerlərə səyahətləri təşkil olunurmu? - Bəli, təşkil olunur. Bu yaxınlarda şagirdlər təşəbbüs irəli sürdülər. İçəri şəhərə, Qız qalasına, Şirvanşahlar sarayına, Miniatür Kitab Muzeyinə getdik. Şagirdlər həmin səfər etdiyimiz yerlərdən çox gözəl məlumatlar aldılar və məmnun qaldılar. Hətta öz səyahət şəkillərinə fəxrlə baxdıqlarını vurğuladılar. Bizə Ülvi Sultanın təşkil etdiyi tarixi məkanlarla bağlı geniş məlumat çox xoş təsir bağışladı. Şagirdlər bu tarixi abidələrə, keçmişimizə bələd olduqca yeni maraqları meydana çıxdı. Bundan başqa Təhsil Nazirliyinin şagirdlər üçün nəzərdə tutulan Qala kəndinə səyahəti də qeyd etmək yerinə düşərdi. Bu cür gəzintilər onların patriot insan kimi böyümələrinə səbəb olan amildir. Biz şagirdlərin şəxsi təşəbbüsü ilə müraciət etdik. “RVS TRAVEL”in tur meneceri Ülvi Sultan çox maraqlı məlumatlar, tarixi məkanların keçmişi barədə dəqiq informasiyalar verirdi və şagirdlərə bu tarixi məkanlarla bağlı xatirə şəkilləri həmin tur tərəfindən təmənnasız hədiyyə olundu və bu şagirdlərimizdə xoş təəssüratlar yaratdı. Eyni zamanda şagirdlər həmin tarixi məkanlarda xatirə şəkilləri çəkdirdilər. Bu şəkillər də onlara hədiyyə olundu. Bu təşəbbüsü 6 və 8-ci siniflərdə dərs dediyim şagirdlərim arasında həyata keçirdim. - Uşaq və gənclərin mənəvi inkişafı ilə bağlı gələcəkdə bu istiqamətdə hansı tədbirlərin təşkil olunmasını, gənclərdə marağı artırmaq üçün nələri təklif edərdiniz? - Şagirdlərin mənəvi inkişafı ilə bağlı müxtəlif səpkidə layihələrin yazılmasını təklif edərdim. Hansı ki, şagirdlər özləri bu layihələrin iştirakçısına çevrilmələrinə cəhd edib mütaliələrə cəlb olunardılar. Bədii, tarixi mövzularda, lirik şeirlərin oxunmasında onları cəlb edərdik. Çünki daxili zənginlik yalnız səyahətlərlə kifayətlənmir, dünyagörüşünün formalaşmasında mütaliə də mütləqdir. Nigar Abdullayeva

Çalışmayanlar çalışanlara hərdən həsəd də aparırlar

Rövşən Nəsirov adına 111 saylı Nəsimi rayonu tam orta məktəbin müəllimiMeliha Əsədova isə Milli.Az-a açıqlamasında deyir ki, harada çalışmasından asılı olmayaraq sevilən qadınlar xoşbəxtdirlər: “Yəni elə qadın var ki, işi əladır, amma öz aləmində tənhadır. Yaxud evdardır, amma tənhadır, sevilmir. Amma sevilərkən hər halında xoşbəxtdir. Mən xoşbəxtliyi çalışmağımda görürəm. Çünki ətrafımda, işlərimdə sağlam rəqabət aparan dostlar var. Mən də öyrənirəm, çalışıram, işlərimdən güc alıram. Hiss edirəm ki, cəmiyyətə faydam dəyir və daha yaxşı nailiyyətlərə doğru addımlayacağam”.

M.Əsədovanın sözlərinə görə, ətrafında olan, tanıdığı xanımların işləyəndən sonra özlərini daha optimist fikirli xanım kimi hiss etdiklərinin şahidi olub. O da vurğulandı ki, xoşbəxtlik insanın həyat amalından asılıdır: “Əgər qarşısında cəmiyyətə qatılıb bir işlə məşğul olmaq onun niyyətidirsə, şikayət etmir. Yox, əgər sadəcə qismətilə barışıb özünü mətbəxdə görürsə o, öz xoşbəxtliyini orada tapacaq. Məsələn, mən islərimdə irəliləyiş olmayanda depressiyaya düşəcək qədər bir hal yaşayıram. İşdən yorulmuram. Məncə, çalışan qadınlar xoşbəxtdirlər. Çalışmayanlar çalışanlara hərdən həsəd də aparırlar”.

Həmsöhbətimin sözlərinə görə, işləyəndə ev işlərini daha tez çatdırmaq olur, nəinki işləməyəndə: “Bunu rəfiqələrim də təsdiqləyirlər. Məsələn, mən bu gün səhər saat 4-də durub yemək bişirmişəm. Bilirdim ki, akademiyaya, universitetə gedib işlərimi görəcəm. İşə gedəndə ev işlərini planlı görürük. Bilirik ki, vaxtımız məhduddur. Yoxsa arxayın oluruq, bəzən işlər yarımçıq qalır. İşim olmasa, yaradıcılığım olmasa, mən depressiyaya düşərəm. Həyat mənim üçün qaranlıq olar. Mən bu gün çalışdığım üçün bir qadın olaraq xoşbəxtəm”.

Nigar Abdullayeva
Milli.Az